Iqtisodiy fan manbalari insoniyat va kishilik jamiyatini hamda Sharqdagi birinchi sivilizatsiyaning vujudga kelishi bilan bog‘liq. Biroq, iqtisodiy hodisa va jarayonlarni o‘rganish va tahlil qilish yozuv paydo bo‘lgan davrdan olib borilgan va qo‘lyozmalarda aks ettirilgan g‘oyalargina tahlil qilingan. Shu sababli iqtisodiy ta’limotlar tarixi quldorlik jamiyati, aniqrog‘i, xususiy mulk paydo bo‘lishi bilan boshlangan. Xususiy mulkning vujudga kelishi ishlab chiqaruvchilarning alohidalashuvi va sinflarning vujudga kelishiga sabab bo‘lgan.