Тарихий илмий тахлиллар натижасига диққат билан эътибор берилса, этногенез масаласласида фикр билдириш нихоят даражада мураккаб йўналиш эканлиги сезилади. Этногенез тўғрисида илмий мушохада этиш учун чексиз манбаларни қайта ўрганиш, уларни танқидий-холисона баҳолаш ҳар бир тадқиқотчидан катта меҳнат талаб этади. Чунки йўл қўйилган оддий бир хато ёки жумбоқли фикр турли норозиликларга хаттоки сиёсий жанжалларга айланиб кетиши мумкин. Чунки дунёдаги мавжуд 1600 дан ортиқ этник гурухлар-200 га яқин давлатларда истиқомат қилади, уларнинг хар бирининг ўз миллий ғурури, ватан туйғуси, ор-номус, урф-одатлари, анъналари ва миллий қадриятлари мавжуд. Ушбу миллат ва элатлар ўзининг этник ўзлигини англаш, ўз қавми номини, худудини, тилини, маданиятини, ички барқарорлигини, хавфсизлигини таъминлашга узоқ асрлардан буён харакат қилиб келмоқда. Президентимиз И.А.Каримов таъкидлаганидек: «Ҳар қандай миллат, у нақадар кичик бўлмасин-инсониятнинг бойлигидир ва хар қандай миллий бирликнинг, унинг тил, маданий ва бошқа хусусиятларининг йўқ бўлиб кетиши Ер юзидаги маданий ва генетик фонднинг шахс, имкониятларининг қашшоқлашувига олиб келади». Ушбу фикр нихоятда катта ахамиятга эга бўлиб этногенез масаласини мукаммал урганишга даъват этади ва хар бир элат ва миллатни маданий жараёнларини холисона урганишни такоза килади. Узбек миллати этногенезини урганиш, уни илмий тахлил этиб мукаммал ҳ