XIX asr Arab olami va Usmoniylar imperiyasi tarixida tub burilish davri bo‘lgan. Bu davrda Yaqin Sharq va Shimoliy Afrika hududlarida mustamlakachilik bosqinchiligiga qarshi kurashlar avj oldi, milliy uyg‘onish g‘oyalari shakllandi va musulmon xalqlari o‘z milliyligini saqlab qolish yo‘lida faol harakat qila boshladilar. Ayniqsa, Usmoniylar imperiyasida amalga oshirilgan Tanzimat islohotlari Arab viloyatlarida ham siyosiy va ijtimoiy o‘zgarishlarga sabab bo‘ldi. Mazkur davr voqealari bugungi kunda musulmon xalqlari tarixiy birdamligini anglash, ularning siyosiy mustaqillikka intilishlarini o‘rganish uchun muhim manba hisoblanadi.