Yo‘l poyini qurishdan oldin loyihada ko‘rsatilagan va tabiatda bor konlardagi, zahiralardagi, o‘ymalardagi, tabiiy asoslardagi gruntlarning ko‘rsatkichlari (zarra kattaligi, loysimon gruntlar plastikligi, namligi, zichligi) tekshiriladi. Yo‘l poyi qurilishining sifatini tezkor nazorat qilishda quyidagilarni tekshirish lozim: -yo‘l poyi yuzining o‘qi planda va balandlikda to‘g‘ri joylashgani; -olinadigan o‘simlik o‘sadigan grunt qatlami qalinligi; -tuproq poyining asosidagi gruntning zichligi; -ishlatiladigan gruntning namligi; -yotqizilayotgan qatlamning qalinligi; -ko‘tarma qatlamlaridagi gruntning bir xilligi; -ko‘tarma qatlamlaridagi gruntning zichligi; -yuza tekisligi; -tuproq poyining ko‘ndalang kesimi (o‘qi bilan cheti orasidagi masofa, ko‘ndalang nishabligi, tekisligi); -zax qochiruvchi quvur va suv qaytaruvchi qurilmalar, qatlamlar, yo‘l cheti va qiyalarining mustahkamligini to‘g‘ri bajarilganligi.