Agrokimyoviy laboratoriyalarda ishlash uchun asosiy talablar va xavfsizlik qoidalari tanishtirish, laboratoriyalarda ishlash tartib-qoidalari va ehtiyot choralari, Tuproqshunoslik laboratoriyasi oliy o’quv yurtlarida, kriminalistlar va qishloq xo’jaligi xodimlarini tayyorlaydigan o’quv yurtlarida va har bir viloyat, tuman va jo’jaliklarda tashkil etilgan. Kimyo - xalq xo’jaligining ko’p sohalariga kirib borgani uchun ham, uni har xil soha mutaxassislari bilishlari kerak. Sohaga tegishli bo’lgan kimyo laboratoriyalari aksariyat ilmiy tadkikot institutlarining asosiy qismidir. Tuproqshunoslik laboratoriyalarida ishlash tartib qoidalari bilan tanishishdan avval ularni kerakli uskunalar bilan jihozlash va albatta texnika xavfsizligi qoidalari to’g’risida ma’lumot berib o’tamiz. Birinchi navbatda barcha laboratoriya xonalarida qanday analiz bajarilishidan qat’iy nazar ventilyastiyali va mo’rili shkaflar ishlab turishi kerak. Bu shkaflarda o’tkir hidli yoki xavfli moddalar bilan qilinadigan tajribalar o’tkaziladi. Laboratoriyalar maxsus stollar bilan jihozlangan bo’lib, ularning usti agressiv moddalardan shikastlanmasligi uchun sopol yoki polivinilxloriddan tayyorlangan kimyoviy barqaror plitkalar bilan qoplangan bo’lishi kerak. Laboratoriya stollarining tortma va javonlari - tagi yassi va yumalok standart kol