Ushbu amaliy mashg‘ulot aerodrom qurilishida yer ishlari hajmi va taqsimlash grafigini tuzish, yer mashinamexanizmlari otryadining optimal tarkibini tanlash bo‘yicha bilim va ko‘nikmalarni shakllantirishga qaratilgan. Mavzu doirasida aerodrom xizmatining tuzilishi, yer qazish va tekislash ishlarining hajmlari, sun’iy qoplamalar, aerodromni ekspluatatsiya qilish va ta’mirlash bo‘yicha tashkiliy-texnik tadbirlar, shuningdek aerodrom xizmatining vazifalari va boshqaruv idoralari faoliyati yoritilgan. Aerodromda ishlovchi mutaxassislarning vazifalari va aerodrom xizmatining maxsus texnika, bino va inshootlari haqida ma’lumotlar berilgan.