Arterial gipertenziya kasalligi rivojlangan mamlakatlarning 8-25% axolisida aniqlangan. Arterial gipertoniyaning oldini olishda va davolashda farmakoterapiya asosiy o‘rin tutadi. JSST ma’lumotlariga qaraganda, antigipertenziv dorilarni uzoq muddat va doimiy ravishda qo‘llash arterial bosimning 60-85% holatlarda mo‘tadillashtiradi va bemorlar umrining davomiyligini o‘rtacha 10-12 yilga uzaytiradi. Ma’lumki, arterial qon bosimi boshqarish ko‘p omillarga: Yurak ishiga, periferik tomirlar tonusiga va tomirlar elastikligiga, qonni elektrolit tarkibi, yopishqoqligi va hajmiga bog‘liq bo‘lib, bu neyrogumoral nazorat ostida turadi. Shu sababli gipotenziv dori vositalarining ta’sir mexanizmi, qon bosimini nazorat qiluvchi fiziologik tizimning turli qismlariga ta’sir qilishga qaratilgan. Adrenergik qurilmalarning qon tomirlarini qisqartiruvchi va kengaytiruvchi faoliyatiga ta’sir qiluvchi neyrotrop moddalar katta ahamiyatga ega. Ular vazomator markaz, hamda adrenergik tizilmaning periferik qismiga - gangliyalarga va postgangliya oxirlariga va adrenoretseptor (qurilmalar)ga ta’sir qilib Yurak ishini susaytirishi mumkin. Qon tomirlari tonusini oshiruvchi endogen moddalar (katexolaminlar, angiotenzin II) ta’sirini bartaraf etish ham katta ahamiyatga ega. Bundan tashqari periferik tomirlar qarshiligini kamaytirish.