Қоринпарда орти бўшлиғи аъзоларидаги аксар операциялар буйракларнинг касалликлари ёки ўткир йирингли жараёнлар юзасидан бажарилади. Қоринпарда орти бўшлиғига қоринпарда бўшлиғи орқали очиб кириш операциядан кейинги перитонит хавфини туғдиради. Рационал экстраперитонеал очиб киришларни ишлаб чиқишда бел соҳасининг топографик анатомиясини ўрганиш муҳимдир. Қоринпарда орти бўшлиғи қорин бўшлиғининг бир қисми бўлиб, бел мускулларини қопловчи fascia endoabdominalis билан peritoneum орасида жойлашган ва юқорида диафрагма, пастда чегаравий чизиқ билан чегараланган. Унда қоринпарда ортидаги аъзолар, фасция ва клетчаткалар ўрин олиб, бел соҳасига қараганда анча катта жойни эгал