Burun yondosh bo’shliqlarining surunkali yal-lig’lanishi ko’pincha burun bo’shliqlarida poliplar hosil bo’lishi bilan kеchadi. Polip-lar kulrang, ba’zan sarg’ish-qizil, yuzi silliq, soni va o’lchamlari bo’yicha turlicha bo’lishi mumkin. Ular ko’pincha o’rta burun yo’lida, ba’zan - yuqori burun yo’lida o’sadi. Yuqori jag’ bo’shlig’idan o’sgan polip burun bo’shlig’i orqa qismi tomon o’sadi, shuning uchun u xoana polipi dеb nomlanadi. Bunday polip burun-hal-qumni to’ldirib, yumshoq tanglayni orqasida osilib turadi. G’alvirsimon bo’shliq ka-takchalaridan o’sgan burun bo’shlig’i polipi yuqori burun yo’lini to’ldirib turadi. Burun to’sig’idan o’sgan burun poliplari ko’pincha burundan qon oqishiga sabab bo’ladi. Rinoskopiyada burun to’sig’ida turli o’lchamdagi asosi ingichka qizg’ish sil-liq tuzilma borligi ko’rinadi. Poliplar bir tomonlama yoki ikki tomonlama bo’lishi mumkin.