Diuretiklar deb buyrak nefronlarining turli qismlariga tasir qiluvchi, siydik bilan natriyning chiqarilishini ta’minlovchi va natijada hujayra tashqarisidagi suyuqlik xajmining kamayishiga olib keluvchi dori vositalariga aytiladi. Ortiqcha miqdordagi natriy va suvni organizmdan chiqarish orqali diuretiklar yurak qorinchalari devoriga sistolik va diastolik bosimning va miokardning kislorodga talabining kamayishini taminlaydi, koronar qon aylanishini yaxshilaydi, miokard qisqarish qobiliyatini oshiradi, o‘pka arteriyalarida bosimni pasaytiradi, arterial gipoksiyani susaytiradi. Natriy ekskretsiyasi oshishi, hujayra tashqarisi suyuqligi hajmi kamayishi, yurak zarbi pasayishi va yana diuretiklarning vazodilyatatsiya effekti xisobiga arterial bosimning pasayishini yuzaga keltiradi.