Elka kamarining suyak asosi - kuraklar, o‘mrov va uni o‘rab turgan mushaklardan tashkil topgan. Kurak sinishlari bolalarda kam uchraydi va hamma sinishlarning 0,1% ni tashkil qiladi. Kurak suyagining tanasi, akromial o‘simtasi, yuqori-medial va pastki burchaklarining sinishlari xarakterlidir. Tashxis. Bemor yelka usti soxasida og‘riqdan shikoyat kiladi. Og‘riq yelka ko‘tarilganda, kurakni bir-biriga yaqinlashtirganda kuchayadi. Ko‘rilganda kurak suyagi ustida chegaralangan shish aniqlanadi. Paypaslab ko‘rilganda shu yerning o‘zida qattiq og‘riq aniqlanadi. Davolash. Bolalarda kurak suyagi suyak usti pardasi ostidan sinishida ko‘l Dezo bog‘lami yordamida 10-14 kunga xarakatsizlantiriladi, keyin 7-9 kunga ro‘molchali bog‘lam ko‘yiladi. Kurak suyagi bo‘ynidan singanda akromial o‘simtasi singanda yelkani uzoqlashtiruvchi shina yordamida xarakatsizlantiriladi. O‘mrov suyagining sinishi. Bolalarda o‘mrov suyagining sinishi juda ko‘p uchraydigan shikastlanish bo‘lib, yelka kamari va ko‘l sinishlarining 13% ni tashkil qilib, bilak va yelka suyaklari sinishidan keyin uchinchi o‘rinda.