VI sinf. Kariyes kavak kesuv tishlarining kesuv qirralari va chaynov tishlarining chaynov do’mboqlarida joylashadi. Blek tasnifi bo’yicha xech bir guruxga kirmaydigan karioz kavaklarni va nokarioz kasalliklar sababli tishlarda xosil bo’luvchi nuqson va kemtiklarni atipik karioz kavaklar turkumiga kiritiladi. Tishlarning sinishi, lat yeyishi bilan bog’liq bo’lgan atipik karioz kavaklarni plombalash yoki kosmetik tiklash uchun ildiz ichi va ildiz atrofi (parapulpar) shtiftlari qo’llaniladi. Hozirgi kunga kelib, atipik karioz kavaklarni fotopolimerlar yordamida tiklash birmuncha yaxshi natijalar bermoqda. Bunda plomba ashyolari adgeziyasini oshirish uchun sog’lom to’qimadan qo’shimcha maydon ajratish zarur emas. Nokarioz kasalliklar turkumiga kiruvchi gipoplaziya, aplaziya, ponasimon nuqson, flyuoroz, tishlarning patologik yemirilishi va boshqa xil kasalliklarni kosmetik tiklash usuli bilan nuqsonlari tiklanadi. Karioz bo’shliqlarni charxlashning xar xil bosqichlarida tavsiya etiladigan ish me’zonlari.