Cho‘miltirish yuvintirish xizmatini xom ashyo ta‘minoti boshlig'i tashkil qiladi va amalga oshiradi. Harbiy xizmatchilami cho'm iltirish ularni haftasiga 1 marta hammomda cho'miltirish va yotish anjomlari, ichki kiyimlarini to'liq almashtirishni o'z ichiga oladi. Oshpaz va non pishiruvchilar kunda yuvinishi, yotish anjomlari haftasiga 2 marta, maxsus kiyimlari esa ifloslanishiga bog'liq holda almashtirilishi kerak. Kasallarni yuvintirish va yotish anjomlarini almashtirish tibbiy ko'rsatmaga muvofiq, lekin haftada bir martadan kam bo'lmasligi kerak. Harbiy xizmatchilami cho'miltirish-yuvintirishga doir xizmat ko'rsatishni nazorat qilganda qismdagi xizmatchilarning cho'milish grafigiga, xizmatchilarga sovun, mochalka, sochiq, toza ichki kiyimlarning berilishiga e’tiborni qaratish lozim. Xizmatchilami cho'miltirishdan oldin tibbiy xizmat xodimi ularning badanlarini teri kasalliklariga chalinmaganligi va bitlab ketmaganligini tekshiruvdan o'tkazadi. Hammom va kir yuvish xonalarining sanitar-texnik holati, dezinfeksiyalovchi vositalar bilan ta’minlanganligi, suv tarqatish tarmog'i, kanalizatsiya, xonalarning yoritilganligi, kir yuvish va dezinfeksiyani o'tkazish texnologiyasi, kir va toza, ichki va ustki kiyimlarning saqlanish holati tekshiriladi.