Reabilitatsiya kasallikning nafaqat simptomlarini, balki bemorlarning fizik ish qobiliyatini, ruhiyatini, professional qobiliyatlarini tiklash uchun yo`naltirilgan. Reabilitatsiya o`tkazish uchun bemorlarga o`z vaqtida va individual tarzda, keyinroq DJT, belgilangan yurish mashqlari o`tkaziladigan fizik mashg`ulotlar (keyinchalik uy sharoitida davom ettirish mumkin) qo`llaniladi. Fizik omillar yurak qon-tomir sistemasida ma`lum bir o`zgarishlarga olib keladi, masalan yurakning nasos va qisqarish funksiyalarini yaxshilaydi (periferik vazodilyatatsion effect va charchashini yo`qotish, diastolani uzaytirish). Asosiy patogenetik yo`nalishga yurak qon-tomir sistemasining markaziy va periferik qismida kislorod transport vazifalarini yaxshilash kiradi. Nafas olish sistemasi kasalliklarida fizik omillarning qo`llanilishi bronxlarning o`tkazuvchanlik funksiyasini yaxshilaydi, bronxlar shilliq qavati mukosiliar klirensi holatini normallashtiradi, bakterisid ta`sir ko`rsatadi, yallig`lanishga qarshi va so`rilish xususiyatiga ta`sir qiladi. Shu tufayli bemorlarni gospitalizatsiya qilish muddati kamayadi va tez orada bemorlarning ish qobiliyati tiklanadi.