Tabiiy oziqlantirish deganda, bolani ko’krak suti bilan ovqatlantirish tushuniladi. Uning dastlabki 1-1,5 yoshida eng to’g’ri ratsional usul xisoblanadi. Bolani tug’ruqxonada ko’krakka ilk bor tutish ona bilan birinchi muloqot orqali o’tkaziladi. Me’yoriga yetib tug’ilgan bola birinchi 30 daqiqa ichida ko’krakni so’rishi, ya’ni ovqat qidirish uchun tayyor hisoblanadi: ona ko’kragiga tirmashish, qo’l va oyoqlarni qimirlatib, og’izni katta ochgan holda ko’krak qidirishdagi harakatlari, ko’krakni uxlab qolguncha faol so’rish. Ko’krak suti bilan ovqatlantirishni bola tug’ilganidan so’ng dastlabki birinchi soatda, ya’ni bolani ikki reflekslari (qidirish va so’rish) va ona ko’krak sohasining sezgirligi yukori bo’lgan vaqtda ona va bola muloqoti juda yaqin - ona qorni ustida bo’lishi kerak (asoratsiz tug’ruq).