Ko‘ruv a'zosi patologiyasining 20% ini shikastlanishlar tashkil etadi. Agar shikastlanish juda kuchli bo‘lsa, ko‘rish keskin pasayib, hatto ko‘r bo‘lib qolish ham mumkin. Keyinchalik ko‘z ko‘rib ketadimi-yo‘qmi, shikast ta'sirida ko‘zga tashlanadigan nuqsonlar bo‘ladimi-yo‘qmi bularning hammasi ko‘rsatiladigan birinchi tibbiy yordamga, qolaversa, umumiy yordamga bog‘liq bo‘ladi. Shuning uchun har bir hamshira ko‘ruv a'zosi shikastlari haqida yaxshi bilimga ega bo‘lishi, to‘g‘ri va tez yordam ko‘rsata olishi kerak.