Oʼtkir chap qorincha yetishmovchiligi miokard qisqaruvchanlik qobi-liyatining buzilishi oqibatida yurak zarb hajmining pasayishi, yurakka venoz qaytishning normal yoki oshishi natijasida rivojlanadi. Kichik qon aylanish doirasida gidrostatik bosim ortadi. Oʼpka kapillyarlarida gidrostatik bosimning 28-30 mm sim.ust.dan ortishi qon suyuq qismining oʼpka interstitsial toʼqimasiga sizib chiqishiga olib keladi va interstitsial oʼpka shishi rivojlanadi. Jarayon rivojlanib borgan sari kapshshyarlar endoteliysi orasidagi masofa kengayib, tomir oʼtkazuvchanligi ortib boradi, qonning suyuq qismi va makromolekulalari alьveolalar boʼshligʼiga tushishi kuzatiladi - alьveolyar oʼpka shishi rivojlanadi. Har bir nafas aktida alьveolaga tushgan suyuqlik bronxiolalar, bronxlar boʼshligʼini toʼldirib, yuqoriga qarab koʼtarilib boradi. Аlьveola boʼshligʼiga tushgan 100 ml plazmadan 1-1,5 l koʼpik hosil boʼladi. Koʼpik nafaqat nafas yoʼllari oʼtkazuvchanligini buzadi, balki alьveoladagi surfaktant sintezini ham izdan chiqaradi. Bu oʼz navbatida oʼpkaning elastikligini pasaytiradi, natijada nafas mushaklarining zoʼriqishi, gipoksiyaning kuchayishi kuzatiladi. Gipoksiya oʼpka shishini yanada kuchaytiradi. Limfa va kapillyar qon aylanishi, kollateral oʼpka ventilyatsiyasi, oʼpkaning drenaj funktsiyasi buzilishi natijasida alьveolo-kapillyar membrana orqali oʼpkada gazlar almashinuvi (diffuziya) jarayoni keskin