Ovqat hazm qilish tizimi kasalliklari ichki yuqumsiz kasalliklar orasida ko‘p uchrashi jihatidan birinchi o‘rinda turadi. Statistik ma’lumotlarga ko‘ra, 40-50% ichki yuqumsiz kasalliklar, ularning ulushiga to‘g‘ri keladi. Hazm tizimi tashqi muhit bilan uzviy aloqada bo‘ladi. Ko‘pincha hayvonlarni oziqlantirish va saqlashdagi etishmovchiliklar, hayvonlarni ishlatish me’yorlarining buzilishi hazm tizimi kasalliklariga sabab bo‘ladi. Ratsionlarning takomillashmaganligi, oziqalarni noto‘g‘ri tayyorlash, sifatsiz oziqalarni ishlatilishi, bir xil oziqlantirishdan boshqasiga o‘rgatilmasdan tez o‘tilishi, oziqalar tarkibida pestitsidlar, mikotoksinlar kabi turli zaharli moddalar va yot jismlarning bo‘lishi shular jumlasidandir. Yurak, o‘pka, jigar va buyraklarning kasalliklari va shuningdek ko‘pchilik yuqumli va parazitar kasalliklar paytida hazm tizimi a’zolari ikkilamchi jarohatlanadi. Tizim kasalliklarida iqtisodiy zarar maxsuldorlik, ish qobiliyati va nasllik xususiyatining pasayishi hamda davolash tadbirlari uchun xarajatlardan iborat bo‘ladi. Hazm a’zolarining jarohatlanishi bilan o‘tadigan kasalliklar oqibatida organiz