Odamlar hayot faoliyatini saqlash, mehnat qilish, o‘sish, rivojlanish uchun tashqi muhitdagi ovqat moddalarini qabul qiladi. Ovqat hazm qilish kanalida mehanik maydalanadi, kimyoviy parchalanadi, suriladi. Ovqat hazm qilish kanali 8-10 m. uzunlikda bo‘lib, devori uch qavatdan: ichki shilliq, o‘rta-muskul, tashqi-seroz qavatlardan tuzilgan. Ovqat hazm qilish kanaliga og‘iz bo‘shligi va undagi organlar xalqum, qizilo‘ngach, oshqozon, ingichka va yo‘g‘on ichaklar, yirik bezlardan jigar, me’da osti bezi kiradi. Ovqat tarkibida oqsillar, yog’lar, uglevodlar, vitaminlar, mineral tuzlar va suv mavjud.