Озиқ-овқат маҳсулотлари санитар текширишдан ўтказиш санитар-эпидемиология хизмати фаолиятининг асосий йўналишларидан бири ҳисобланади. Санитар-гигиеник текшириш ўтказганда маҳсулотнинг органолептик хусусиятлари аниқланади, унинг гигиеник кўрсаткичлар ва талабларга мос келиши, кимёвий таркиби ўзгариши ва сабаби, бактериал зарарланиши ва инфекция манбаларининг юқишидаги ўрни ва овқатдан заҳарланишнинг мавжудлиги, шунингдек, сақлаш шароитлари ўрганилади. Текширув амалиётидаги жараёнлар мураккаб ва масъулиятли бўлиб, лаборатория текширув усулларидан фойдаланиш керак.