Гельминтоз ва протозоозларни аниқлаш учун лаборатор текширувлари даволаш-профилактика муассасаларининг клиник диагностик лабораторияларида, илмий-текширув институтлари, олий ўқув юртлари, ҳарбий госпиталлар ва ҳоказоларга қарашли лабораторияларда, лицензияси бор ёки ушбу текширувларни ўтказиш учун мулкчилик шаклидан қатъий назар Давлат Стандарти ва Давлат санитария-эпидемиология назорати тизимида аккредитациядан ўтган лабораторияларда ўтказилади. Давлат санитария-эпидемиология назорати марказларига аҳолини гелминтозлар ва протозоозларга текширувлар ўтказилишини ташкиллаштириш, услубий кўрсатмалар бериш, даволаш-профилактика муассасалар ва бошқа муассасалар қошидаги клиник - диагностик лабораторияларда ўтказилаётган текширувларнинг иш сифатини назорат қилиш ва шу билан бирга аҳолини эпидемиологик кўрсатмаларга асосан ва консультатив мақсадларда лаборатор текширувлар ўтказилиши юклатилган. Паразитлик қилувчи гельминтлар (гижжалар) ва ичак соддал