Hidlov azosi ikkita: asosiy va vomeronazal sistemalardan iborat. Har ikkisida ham periferik, oraliq va markaziy qismlar farq qilinadi. Periferik qismi hidlov a'zosi hisoblanadi. Oraliq qismi o'tkazuvchiyo'llar (neyrosensor hidlov hujayralari va hidlov piyozchasi nerv hujayralarining aksonlari) dan tashkil topgan. Markaziy qismi katta yarim sharlar po'slog' ining gippokampida joylashgan asosiy hidlov sistemasi markazidan iborat. Odamda hidlov sohasi burun bo'shlig' ining yuqori va qisman o'rta chiganog'ini hamda burun to'sig'ining yuqori qismini qoplagan. Tashqaridan hidlov sohasi shilliq pardaning respirator gismidan sarg'ishroq rangi bilan ajralib turadi Qo'shimcha yoki vomeronazal hidlov sistemasining periferik qismi bo'lib vomeronazal yoki Yakobson a'zosi (organum vomeronasale Jacobsoni) hisoblanadi.