Стоматологик касалликлар профилактикаси – бу оғиз бўшлиғи аъзолари, тиш кариеси ва пародонт касалликларини, уларнинг ривожланишини комплекс тадбир чоралари ишлаб чиқиб тадбиқ қилиш асосида олдини олишдан иборатдир. Бугунги кунга келиб шу нарса маълум бўлдики, юқори малакали даволаш ишларининг амалга ошириш билан кариес ва парадонт касалликларининг тарқалиши ва жадаллигини пасайтиришнинг иложи йўқ. Кариеси ва пародонт касалликларининг кенг тарқалганлигини бугунги кунда ушбу хасталикларнинг этиологияси ва патогенези бирмунча ўрганилганлигини инобатга олинганда, уларни камайтиришнинг бирдан бир йўли мазкур касалликларни олдини олиш борасида самарали, оммавий усулларни қидириб топиш ва тадбиқ қилиш стоматологлар олдида турган асосий вазифа эканлиги кўринади. Бутун жаҳон стоматологияси амалиёти маълумотига кўра, мамлакатларда самарали профилактик чора – тадбирлар мажмуасини омма ўртасида дастур сифатида қўллаш ва шу асосида ишлар олиб бориш – юқорида келтирилган касалликларни сезиларли даражада камайишига сабаб бўлар экан. Энг асосийси, профилактик йўли билан тишлар саломатлигини яхшилаш, уларнинг касалликларини ва асоратларини даволаш йўли билан бартараф этишдан 20 маротаба арзонга тушар экан.