Registraturada kasallik tarixi ochiladi (forma №025-2), unda registrator kasallik tarixini nomerini qo’yadi va pasport qismini to’ldiradi. SHifokor kasallik tarixida tashxisni, bemorning shikoyatlarini, kechirgan va yo’ldosh kasalliklarini, kasallikni rivojlanish tarixini, tashqi ko’rinishi ob’ektiv belgilarini va og’iz bo’shlig’i holatini yozadi. Tish formulasi to’ldiriladi: yo’q tishlar - «O», kariyes- «S», pulpit- «R», periodontit- «Pt», plomba- «P», paradontoz va parodontit – «A», tishlar qimirlash darajasi - «I ,II,III», koronka - «K», sun’iy tish - «I» bilan belgilanadi. Kasalning prikusi aniqlanadi va og’iz bo’shlig’i shilliq qavati holati yoziladi. O’zRSSV 25 dekabr № 777 – sonli buyrug’iga asosan forma № 043/ U forma № 025 – 2 raqamli tibbiy xujjat shaklida tasdiqlangan. Asosiy tekshirish usullariga: bemorni so’rash (anamnez yig’ish), ob’ektiv tekshirish (tashqi ko’rik, og’iz bo’shlig’ini,tishlarni ko’rish, perkussiya, palpatsiya, zondlash). Bemor so’rovi – anamnez yig’ish – bemorlarni tekshirishni eng muhim muhimi hisoblanadi. Kasallik belgilarini ko’rsatuvchi shikoyatlardan tashqari so’rov yana kasallikni kechishini va o’tkazilgan davolashni baholash imkonini beradi. Zaruriyat tug’ilganda bemorga rentgen qilinadi va uning natijalari kasallik tarixiga yoziladi.