Surunkali gastroduodenit (SGD) – yallig’lanishli xususiyatga ega surunkali retsidivlanuvchi kasallik, u oshqozon va o’n ikki barmoq ichak shilliq qavati va bez apparati nospetsifik struktur qayta qurilishi (distrofik, yallig’lanishli va regenerativ o’zgarishlar), turli sekretor va motor buzilishlar bilan kechadi. SGD – surunkali gastroduodenal kasalliklarning eng ko’p tarqalgan shakli. Oshqozon va o’n ikki barmoq ichak kasalliklari strukturasida 58-74% ni tashkil etadi. Tashxislashda SGD rivojlanishi xavf omillari mavjudligini va irsiy moyillikni hisobga olish kerak. Kasallik klinikasi yallig’lanish jarayonining bosqichi va ifodalanganligiga, oshqozon sekretor funktsiyasi, me’da va o’n ikki barmoq ichakning motor-evakuator buzilishlariga bog’liq. SGD qo’zish davrida, xuddi yara kasalligi singari, og’riq, dispeptik va surunkali nospetsifik intoksikatsiya klinik sindromlari uchraydi. Klinik manzaraning o’ziga xosligini gepatobiliar tizim, ichak, oshqozon osti bezi patologiyalari belgilaydi. Klinik simptomlar xuddi yara kasalligidagidek, lekin og’riq sindromining mavsumiyligi yo’q, tungi og’riqlar kamdan-kam hollarda kuzatiladi. Og’riq sindromi. Qorindagi og’riqlar eng xususiyatli, ular zirqirovchi, uzoq davom etuvchi, ertalab och qoringa va ovqatdan 1,5-2 soatda