Ўзбекистон Республикасида акушерлик ёрдами бирламчи тизим муассасалари - ҚВПлар, поликлиникалардан бошланади. Бу бирламчи муассасаларда ҳомиладорларни эрта муддатда ҳисобга олиш, уларга туғруққача малакали тиббий ёрдам кўрсатиш, гинекологик касалликларни ўз вақтида аниқлаш ва амбулатор даволаш ишлари олиб борилса, туғруқ давридаги туғувчи аёлга ва туққандан кейин бериладиган самарали ёрдам тугруқхона комплексларида, аёллар жинсий аъзолари касалликларини даволаш гинекология бўлимларида олиб борилади. Республикада махсус акушерлик ёрдами кўрсатишни ривожлантириш, оналар ва болалар ўртасидаги касалланиш ва ўлимни олдини олиш кўпинча ҳомиладор, туғаётган ва туққан аёлларни туғруққача, туғиш ва туғишдан кейинги даврларида етарли даражада зарур парвариш билан таъминланишига боглиқдир. Кўпчилик мамлакатлар оналар ва болаларга тиббий ёрдам кўрсатиш амалиётини ЖССТ тавсияларига мос равишда ўзгартирдилар ва оналар, перинатал касалликлари ҳамда ўлимини камайтиришга муваффақ бўлдилар. Акушерлик стационарларини самарали ишлаши учун уларни иш тамоилларини ЖССТ тавсия қилган замонавий технологияларга мос ҳолга келтириш лозим.Шу сабабли республикамиздаги акушерлик стационарлари ишини ташқил қилиш тамоилларини қайта кўри...