Sizlarni 2025-yil 21-22-may kunlari bo‘lib o‘tadigan “Abu Ali ibn Sino ta’limotidan – uchinchi RENESANSGACHA” tibbiyot OTMlari talabalari uchun V Xalqaro olimpiadada ishtirok etishga taklif qilamiz. “Abu Ali ibn Sino ta’limotidan – uchinchi RENESANSGACHA” olimpiadasidan ko‘zlangan maqsad o‘quvchilarning tibbiyotning turli yo‘nalishlariga bo‘lgan qiziqishini oshirish, bu boradagi bilim va ko‘nikmalarini oshirish, talabalarning ilmiy-ijodiy yondashuvlarini targ‘ib qilishdan iborat. Olimpiadaning maqsadlari: 1) Iqtidorli o‘quvchilarni aniqlash va ularning rivojlanishiga hissa qo‘shish; 2) Talabalarning tibbiyot fanlari bo'yicha bilim darajasini oshirish; 3) Talabalarning amaliy tibbiyot bo‘yicha ko‘nikma va malakalarini shakllantirish; 4) Talabalarning klinik holatlarni tahlil qilishda olingan bilim, ko‘nikma va malakalardan foydalanishi; 5) Tibbiyot oliy o‘quv yurtlari talabalarini xalq farovonligi yo‘lida jahon va milliy tibbiyot merosi bilan tanishtirish; 6) O‘zbekiston Respublikasi va xorijdagi oliy o‘quv yurtlari talabalari o‘rtasida