Turli kasalliklarning sababchisi bo`lgan ko`pchilik mikroorganizmlar kimyoterapevtik preparatlar ta'sirida o`sishini va ko`payishini to`xtatadi yoki bu jarayon ularni yemiradi, biroq viruslar bu xil ta'sirlarga ancha chidamlidir. Shu sababli ularni zaiflashtiradigan yoki yo`qotadigan dorilar deyarli yo`q. Sintez qilingan ko`pchilik kimyoviy moddalar tajriba sharoitida viruslarga qarshi ta'sir ko`rsatsa ham bemor tanasida naf qilmaydi. Viruslarda bakteriyalarga qarshi o`larq hujayra pardasi va ferment tizimi yo`q. Ular faqat nuklein kislotadan tashkil topgan. Virusning ayrim komponentlari uni tanadagi fermentlarning ta'siridan saqlaydi. Viruslarning ikki turi ma'lum: DNK va RNK saqlovchi. Viruslarning kimyoterapevtik moddalarga chidamliligi quyidagicha ta'riflanadi: ular makroorganizm hujayralarining ichida joylashgan bo`ladi. Virusga ta'sir etuvchi dorilar tana hujayralarini ham ta'sirlaydi. Undan tashqari hujayra sitoplazmasida va yadrosida ko`payayotgan viruslarning dori moddalari ta'siriga beriluvchanligi har xil.