QO‘LNING KLINIK ANATOMIYASI. Qo‘l (extremitas superior) yelka kamari, yelka, tirsak, bilak va qo‘l panjasi sohalaridan iborat. YELKA KAMARI Yelka kamari 4 ta: o‘mrov osti, qo‘ltiq osti, deltasimon va kurak sohalarini o‘z ichiga oladi. O‘mrov osti sohasi. O‘mrov osti sohasi (regio infraclavicularis) tashqi mo‘ljallari: o‘mrov va to‘sh suyaklari, kurakning tumshuqsimon o‘sig‘i (processus coracoideus), III qovurg‘a, ko‘krakning katta muskuli (m. pectoralis major), deltasimon-ko‘krak egati (sulcus deltoideopectoralis).