§Ушбу мавзуда гидрология фани предмети, бўлиниши, бошқа фанлар билан алоқалари, вазифалари, тадқиқот усул­лари, шаклланиш ва ривожланиш босқичлари баён этилиб, сўнг Ўрта Осиёда гидрологиянинг ривожланиш тарихига оид маълумотлар келтирилади.Хамда маърузада гидросфера, унинг ташкил этувчилари, гидросфера билан литосфера, биосфера ва атмосфера орасидаги алоқадорлик масалалари, табиатда сувнинг айланиши, Ер шарида қуруқлик ва сувнинг тақсимланиши, сувнинг асосий табиий ва кимёвий хоссалари, Ер шарида ва материклар ичида намликнинг айланиши, қуруқликнинг океанга туташ ва берк яъни оқимсиз қисмлари, Ер шарининг сув баланси тенгламаси, унинг асосий элементлари каби масалалар кўриб чиқилади. Дарёлар. Дарёлар ҳақида умумий маълумотлар. Ушбу маърузада асосий эътибор дарёлар ҳақидаги умумий тушунчаларга қаратилиб, дарё системаси ва ҳавзасининг морфометрик кўрсаткичларини, жумладан ҳавзанинг ўртача баландлиги ва бошқа катталикларни аниқлаш масалаларига қаратилади.