Axborot texnologiyalari asrida yashayotgan bugungi insoniyat uchun aloqa tizimlari hayot faoliyatining ajralmas va muhim bo‘g‘iniga aylangan. Axborot almashinuvi, boshqaruv, xavfsizlik, ilmiy izlanishlar, iqtisodiy faoliyat va kundalik turmush darajasini oshirishda samarali aloqa tizimlari muhim o‘rin egallaydi. Har kuni milliardlab odamlar mobil telefonlar, internet, televideniye, GPS tizimlari va boshqa ko‘plab aloqa vositalaridan foydalanadilar. Ayniqsa, so‘nggi o‘n yilliklarda texnika va texnologiyalar rivoji natijasida simsiz aloqa vositalari ulkan yutuqlarga erishdi, ularning asosiy ko‘rinishlari bo‘lgan radio releyli aloqa tizimi hamda sun’iy yo‘ldoshli aloqa tizimi axborotni tezkor, keng qamrovli va ishonchli tarzda uzatish imkonini berdi.