Gidrolizlangan poliakrilamidlar qovushqoqligini o‘rganish Poliakrilamid (PAA) asosidagi polimerlar eng muhim reagentlardan biri bo‘lib o‘tgan asrning 60-yillardan boshlab sanoatda keng qo‘llanila boshlangan . Bu vaqtda suvda eriydigan akrilamid polimerlari erkin radikal initsiatorlar, elektrokimyoviy initsirlash, ultratovush to‘lqinlari, fotokimyoviy sensibilizatorlar, ultrabinafsha nurlanish, elektron-nurli to‘lqinlar va suv-oksidlanish-qaytarilish tizimidan foydalanish kabi turli usullar bilan olingan. Shuningdek, akrilamid polimer qatronlari akril kislotaning akrilamid polimerlarida nurlanish usuliga o‘xshash polimerlanish natijasida olingan. PAA ko‘plab sohalarda keng qo‘llaniladi, masalan, ichimlik suvini tozalash oqava suvlarni tozalash teskari osmos membranalari, foydali qazilmalarni qayta ishlash, qarshilikni kamaytirish neft qazib chiqarish qog‘oz ishlab chiqarish va tuproq strukturasini yaxshilash va h.k. Shu bilan birga, flokulyant sifatida PAA sanoat jarayonlarida suvni qayta ishlashga imkon beradi, bu esa sanoatda suv sarfini sezilarli darajada tejaydi.