Leykotsitlar organizmni har xil mikroblar va zaharli moddalardan himoya qiladi. Leykotsitlarning ayrim xillari qon tomirlari devoridan to‘qimalarga o‘tish va u yerdagi begona zarrachalarni qamrab olib, hazm qilish xususiyatiga ega. Bu hodisani rus olimi I. I. Mechnikov kashf etgan va uni fagotsitoz (yunoncha «fagos» - yutaman, «sitos» - hujayra), «yutuvchi» hujayralarni esa fagotsitlctr deb atagan. Teri jarohatlanganida (masalan, zirapcha kirganida) jarohatlangan joy dastlab qizaradi, keyin yiringlaydi. Bu hodisa ley­kotsitlar funksiyasi bilan bog‘liq.