Awıl xojalıǵında, ásirese, diyqanshılıqta mikroorganizmler áhmiyetli rol oynaydı, sebebi olardıń iskerligi nátiyjesinde topıraqta ósimlikler ushın zárúr bolgan azıqlıq zatlar toplanadı, nátiyjede topıraqtıń ónimdarlıǵı artadı, eginlerdiń ónimi de joqarı boladı. Topıraqta júzberetuǵınproceslerdiń kópshiligi ondaģı mikroorganizmlerdiń iskerligine baylanıslı. Máselen, topıraqlardıń payda bolıwı, jerge islew beriw, jerdi tóginlew, suwǵarıw, topıraqta júz beretuǵın fiziologiyalıq siltililik hám kislotalılıqtı joqetiw, ıǵal jerlerdiń suwın tartıw, organikalıq tóginler tayarlaw, olardı saqlaw hám olardan paydalanıw mikroorganizmlerdiń xızmeti menen baylanıslı.