Yuksak o'simliklarning urug'idan ko'payishi urug'langan bitta tuxum hujayradan, ya’ni zigoladan boshlanadi. Urug' — urug'kurtak urug'langanidan keyin paydo bo'ladigan, urug' qobig'i, endosperm va murtakdan iborat ko'payish organidir. Urug' qobig‘i ko'p qavatli bo'lib, murtakni mexanik ta’sirlardan, mikroorganizmlar kirishidan, murtakning qurib kctishidan saqlaydi. Urug'larning tashqitomonidan uning unib chiqishi uchun kerak bo'lgan suv kiradigan teshigi — mikropile — urug yo'li va urug'ning urug' bandi bilan birikadigan joyi — urug' kertimida joylashgan. Endosperm yirik hujayrali g'amlovchi to'qimadan iborat bo'lib, hujayralaming ko'p qismini ikkilamchi kraxmal yoki yog'lar egallaydi. Urug' ungan vaqtida endosperm moddasi fermlentlar ta ’sirida gidrolizlanadi va murtakka shimiladi. Undan keyin endosperm hujayralari yemirila boshlaydi.