Ushbu ilmiy ishda kartoshkani beotixnalogik usullar asosida mikroklonal ko‘paytirish masalalari o‘rganildi. Mikroklonal ko‘paytirish — o‘simliklarning genetik jihatdan bir xil bo‘lgan ko‘p sonli klonlarini laboratoriya sharoitida tez va samarali hosil qilish usuli bo‘lib, u anʼanaviy ko‘paytirish usullariga nisbatan ko‘plab afzalliklarga ega. Tadqiqotda kartoshka urug‘chalarining steril sharoitda o‘sishiga erishish, o‘sish omillarini optimallashtirish, shuningdek, yuqori sifatli va kasalliklardan holi o‘simliklarni ko‘paytirish texnologiyasi ishlab chiqildi. Beotixnologik usullar, jumladan, gormonal muvozanatni tartibga solish, muhit tarkibini o‘zgartirish va o‘sish faktorlarini qo‘llash orqali mikroklonal ko‘paytirish jarayoni samaradorligi oshirildi. Ushbu metodlar kartoshka hosildorligini ko‘paytirish, sifatini yaxshilash va kasalliklar oldini olishda muhim rol o‘ynaydi. Natijalar kartoshka yetishtirish sanoatida yuqori sifatli urug‘chilik materiallarini ishlab chiqarish va agrar ishlab chiqarishni modernizatsiyalashga xizmat qiladi.