Jahon amaliyotida kaliy konlari tajribasida 1960-2000-yillar davomida rudani qazib olishning asosiy usuli burg’ulash va portlatish bo‘lib, u kam mehnat unumdorliga ega bo‘lgan. 2000-yillardan boshlab kaliy qatlamlarini qazishning kombinatsiyalangan usuli, kombayn texnologiyalarining oqilona parametrlarini aniqlash va turli sharoitlarda kaliy zaxiralarni ochish, tayyorlash va qazib olish usullarini ishlab chiqish bo‘yicha ko‘plab tadqiqotlar olib borildi. Ko‘plab tadqiqotlarga qaramay, yer osti kombaynlari yordamida kaliy rudasini massivdan ajratib olish samaradorligini oshirish ishlari to‘liq hal qilinmagan.O‘zbekiston Respublikasida kaliyli o‘g‘itlar AJ “Dehqonobod kaliy zavodi”da ishlab chiqariladi, u 2010 yil iyul oyida foydalanishga topshirilgan bo‘lib, ishlab chiqarish quvvati yiliga 1200 ming tonna silvinit rudasini va shundan kaliyni ajratib olish quvvati 27 foizni tashkil etadi