O`simliklar morfologiyasining vazifasi. O`simliklar morfolgiyasining tarixi simmetriya turlari Metamorfoz Yuksak o`simliklarning turli organlari har xil funksiya bajarganligidan ko`pincha shaklini o`zgartiradi va evalyutsiya jarayonida shunchalik metamorfozlanib kyetadiki, ba`zan, ularning ilgarigi holat ini aniqlash juda qiyin bo`ladi. Masalan: gulning toj barglari, no`xotning gajaklari o`zgargan barglardir. Tokning gajaklari o`zgargan novdadir. Zirkning tikanlari bargdan, dulananiki novdadan hosil bo`lgan. Shuning uchun o`simliklarning ba`zi organlari tashqi belgilari bilan bir- biridan juda katta farq qilishiga qaramay, kelib chiqishi bir xil bo`ladi va ular gomologik organlar deb ataladi. Masalan: gulning toj barglari, no`xotning gajaklari, zirkning tikanlari kelib chiqishi umumiy bo`lganidan gomologik organlaridir. O`simliklarning ba`zi organlari tashqi tomonidan bir- biriga o`xshash bo`lishi va bir xil vazifani bajarishi, lekin kelib chiqishi har xil bo`lishi mumkin.