Mashg’ulotning maqsadi: talabalar mashg’ulot davomida Tikanli artishokning biologik va dorivorlik xususiyatlari bilan tanishadilar va o’rganadilar. Zarur jihozlar: O’simlikning hom-ashyo namunalari, plakatlar, urug’lar, gerbariylar. Nazariy tushunchalar Tikanli artishok - Cynara scolymus L. yovvoyi holda O’rta Yer dengizi atrofi va Sharqiy Yevropada tarqalgan. Hozirda tabiatda yovvoyi holda uchramaydi. Bu o’simlik qadimiy yunon olimi botanika fanining otasi Teofrastning yozishicha qadimiy Misrda ham ekilgan. Lekin, bizning eramizda birinchilardan bo’lib, Yevropada Ispaniya va shimoliy Afrikada ekila boshlagan. Hozir bu o’simlikni Yevropa va O’rta yer dengizi atrofidagi bir qancha mamlakatlarda ozuqaviy va manzarali o’simlik sifatida ekilmoqda. Cynara scolymus L. – ekiladigan artishok. Balandligi 0,5-2 metrgacha yetadigan otsu, ko’p yillik va rizomatoz o’simlik. Savatchalari yirik, sergulli, gomogamli, gomoxromli, shakli sharsimon, tashqi tomondan o’rama bargchalari ko’p qatorli, pastki qismi toraygan, deyarli to’g’ri……………………………. Artishok savatchalari tarkibida: suv – 86,5%, azotli moddalar – 2,5%, qand - 1%, dekstrinalar - 2%, kletchatka - 1,3%, ……………………… Artishok moyli o’simlikdir. Uning moyi maxsus kimyoviy ishlovdan o’tkazilgandan keyin texnika moyi sifatida ishlatilishi mumkin. Bir gektar maydondan yig’ilgan artishok urug’idan 400-500 kg gacha moy olish mumkin. Artishokning barglari tarkibida fenolkarbon kislotasi saqlanadi. Undan olingan preparatlar jigar, buyrak va ateroskleroz kasalliklarining oldini olish va davolashda qo’llanilmoqda. Bundan tashqari, artishok tarkibida inulin saqlaydi. Inulin organizmda …………………………