Publitsistik nutq uslubi ijtimoiy-siyosiy faoliyat sohasi bilan bog'liq va ommaviy axborot vositalarining tilidir. Ushbu uslub maqolalar, ocherklar, esselar, reportajlar, intervyular, shuningdek og'zaki ommaviy nutqlarni yozishda ishlatiladi. Publitsistik uslubning asosiy belgisi standart va ifodali nutq vositalarining kombinatsiyasi hisoblanadi. Axborotga boy, keng qo‘llaniladigan, emotsionallikka ega so'zlarning mavjudligi bilan tavsiflanadi. Publitsistik uslubi ham ko'plab neologizmlarga ega. Ushbu uslubda hamma narsa o'quvchining e'tiborini jalb qilish va saqlashga qaratilgan. Bu uslub, avvalo, tashviqot va targ‘ibot uslubi bo‘lganligi uchun ham unda siyosiy faollik, hozirjavoblik, o‘tkir va ta’sirchan notiqlik, mantiqiy mulohaza va dalillar bilan tushuntirish, isbotlash kabi belgilar ustunlik qiladi.