Tadqiqotning maqsadi – Sharq mutafakkirlarining asarlarida islom dinining inson kamolotiga ta’sirini ilmiy jihatdan tahlil qilish va bu g‘oyalarning zamonaviy ijtimoiy-ma’naviy hayotdagi ahamiyatini ochib berishdir. Tadqiqotning vazifalari: Islom ta’limotida inson kamoloti tushunchasining mohiyatini yoritish;Sharq mutafakkirlarining islomiy qadriyatlarga asoslangan falsafiy qarashlarini tahlil qilish;Forobiy, Ibn Sino, Ahmad Yassaviy, Naqshband va Navoiylarning komil inson haqidagi ta’limotlarini solishtirish;Islom falsafasining zamonaviy tarbiya tizimidagi o‘rnini ko‘rsatish.Tadqiqotning predmeti – Sharq mutafakkirlarining asarlarida ifodalangan islomiy falsafiy g‘oyalar. Tadqiqotning obyekti – inson kamoloti va uning islom dinidagi talqini. Ilmiy yangiligi – Sharq mutafakkirlarining asarlarida islomiy kamolot g‘oyasi integral tarzda tahlil qilinadi, ularning qarashlari zamonaviy ma’naviy tarbiya nuqtai nazaridan baholanadi.