Ekoturizm – bu nafaqat sayohat qilish, balki sayyohlarni tabiatga e’tiborli, ongli yondashishga undash, ekologik tarbiya berish, shuningdek, mahalliy iqtisodiyotga foyda keltiruvchi barqaror turizm shaklidir. O‘zbekistonda ham bu borada muhim yutuqlarga erishilmoqda. Ayniqsa, 2004 yilda qabul qilingan “Muhofaza etiladigan tabiiy hududlar to‘g‘risida”gi qonun asosida qo‘riqxonalar va boshqa maxsus hududlar faoliyat yuritmoqda.