Ushbu tadqiqotda Sharq mutaffakirlarining vaqtni unumli foydalanish haqidagi falsafiy qarashlari o‘rganilgan. Vaqt inson hayotidagi eng qimmatbaho resurslardan biri bo‘lib, uning to‘g‘ri boshqarilishi shaxsiy va ijtimoiy muvaffaqiyatning asosiy omillaridan biridir. Tadqiqotda Ibn Sino, Al-Farobi, Al-G'azzoli kabi buyuk mutafakkirlarning vaqtni boshqarish, rejalashtirish va undan samarali foydalanish bo‘yicha fikrlari tahlil qilinadi. Shuningdek, shaxsning ijtimoiylashuvi va uning iqtisodiy, madaniy, psixologik jihatlari, shaxsiy rivojlanish va global zamonaviy hayotdagi dolzarbligi ko‘rib chiqiladi. Tadqiqot Sharq mutaffakirlarining qadimiy fikrlarini zamonaviy hayotga tatbiq etish orqali vaqtni samarali boshqarish bo‘yicha tavsiyalar beradi.