Электролит эритмалари назариясининг ва массалар таъсири қонунининг аналитик кимёда қўлланиши. Эритувчилар таснифи 1.Электролитлар. 2.Эритувчилар таснифи 3.Кучли электролитларнинг эритмадаги холати. Ион кучи, фаоллик. 4.Массалар таъсири қонуни, қўлланиши. 5.Сувнинг ион кўпайтмаси. Адабиётлар Ю. Я. Харитонов, А. Н. Юнусходжаев ва бошқалар. “Аналитик кимё”. Тошкент, 2008 йил, 62 – 68 бетлар.О. Файзуллаев “Аналитика асослари”. Тошкент – 2003 йил. 73 – 83, 119 129 бетлар.ЭлектролитларЭлектр токи ўтказилганда зарралари харакатланувчи (ион ўтказувчанлик) ва кимёвий ўзгариш (электрокимёвий реакция) содир бўладиган, электр ўтказувчи моддалар электролитлар деб аталади. Улар индивидуал модда ёки эритма бўлиши мумкин. Содда таърифга кўра – эритилганда ионларга ажралувчи моддалар электролит дейилади. Хоссаларини узлуксиз ўзгартира олувчи икки ёки ундан ортиқ моддалар аралашмасидан таркиб топган гомоген система (тизим) – эритма деб аталади. Эритма қаттиқ ёки суюқ бўлиши мумкин. Аналитикада асосан суюқ эритмалар қўлланади. Электролитни эритмада ионланиши, (ионларга диссоциланиши) миқдоран диссоциланган молекулалар сонини nдис эритмадаги электролитнинг умумий молекулалар сонига nум нисбати билан ифодаланувчи, диссоциация даражаси α билан белгиланади.