Mazkur kurs ishida qattiq jismning eng sodda harakati nazariy jihatdan ko‘rib chiqildi hamda unga oid asosiy tushunchalar va qonuniyatlar tahlil qilindi. Qattiq jismning harakati boshqa jismlarning harakatiga qaraganda murakkabroq bo‘lishiga qaramay, uning eng sodda shakllari – to'g'ri chiziqli tekis harakat, aylanma harakat va tekis-parallel siljish – orqali jismning holatini aniq modellashtirish mumkin. O‘rganilgan nazariy bilimlar asosida shuni aytish mumkinki, qattiq jismning harakatini tahlil qilishda unga ta’sir etuvchi kuchlar va momentlar, massaning taqsimlanishi, inersiya momenti kabi omillar katta rol o‘ynaydi. Aynan shu omillar jismning tezligi, tezlanishi va trayektoriyasiga bevosita ta’sir ko‘rsatadi. Harakatning matematik ifodalanishi, diferensial tenglamalar yordamida uni aniqlash esa bu jarayonni yanada chuqur tahlil qilish imkonini beradi. Ushbu mavzuning o‘rganilishi nafaqat nazariy bilimlarni mustahkamlash, balki kelgusidagi amaliy muammolarni hal qilishda ham foydalidir. Qattiq jism mexanikasi mashinasozlik, qurilish, aviatsiya va boshqa ko‘plab texnik sohalarda keng qo‘llaniladi. Shu boisdan, talabalar uchun bu mavzuning puxta o‘zlashtirilishi muhim ahamiyatga ega.