Rotametrlar bosim farqlari o‘zgarmas sarf o‘lchagichlar bo‘lib, laboratoriya va sanoat sharoitida toza hamda biroz ifloslangan bir jinsli suyuqlik va gazlarning sarfini o‘lchashga mo‘ljallangan. Asbobning ishlash prinsipi o‘lchanayotgan muhit oqimining pastdan yuqoriga o‘tishida konussimon naycha ichidagi qalqovichning vertikal siljish holatiga asoslanadi. Qalqovich holati va o‘tish kesimidagi o‘lchanayotgan modda oqimi o‘zgarishi bilan sarf miqdori aniqlanadi. Rotametrlarning shkalasi teng bo‘linmali bo‘lib, kichik sarflarni o‘lchashga imkon beradi, bosim yo‘qolishi kichik va sarf kattaligiga bog‘liq emas. Shisha va metall naychali turlari mavjud; shisha naychalilari suvda 3000 l/soat, havoda 40 m3/soat o‘lchov chegarasiga ega va maksimal ish bosimi 0,6 mPa bo‘lishi mumkin. Asosiy xatolik ± 2,5%.