Fizikta oʻquv jarayonini samaradorligini oshirish uchun innovatsion texnologiyalar asosida oʻqitish metodikasi. 1.Oliy oʻquv yurtlarida “Yarimoʻtkazgichlar fizikasini” oʻqitishni ilmiy-uslubiy va tashkiliy omillari oʻrganildi, aniqlandi va uni oʻqitish saviyasini yaxshilash – ilmiy-uslubiy va tashkiliy muammo ekanligi aniqlandi. 2.“Yarimoʻtkazgichlar fizikasi” fanini oʻqitishni yaxshilashga kompyuter texnikasini qoʻllashning ilmiy-uslubiy, tashkiliy va texnik imkoniyatlari aniqlandi. 3.Yarimoʻtkazgichlar fizikasi oʻquv qoʻllanmasi asosida elektron oʻquv qoʻllanma yaratildi: uning elektron matni, fizik jarayonlarning animasiyalari, masalalar yechish metodikasi, test vazifalari va ularni baholash sistemalari, nazorat savollar toʻplami hamda ilovalardan iborat boʻlimlari ishlab chiqildi. Laboratoriya ishlari tahlil qilindi va yangi yarimoʻtkazgich materiallarning solishtirma issiqlik oʻtkazuvchanlik koeffisientini aniqlash laboratoriya qurilmasi yaratildi va oʻquv jarayoniga tadbiq etildi. 4.Yarimoʻtkazgichli asboblar fizikasi boʻlimining mazmuni, strukturasi ishlab chiqildi va u asosda oʻquv qoʻllanma yaratilib chop etildi hamda uning elektron qoʻllanmasi yaratildi va oʻquv jarayoniga tadbiq etildi. Yarimoʻtkazgichli asboblar fizikasi boʻyicha animasiyalar ishlab chiqilib, oʻquv jarayoniga tadbiq etildi.