uSuv tanqisligi — aholi va chorva mollarining toza ichimlik suvga boʻlgan ehtiyojlarini qondirolmaslik natijasi. Ichimlik suvi hayotni taʼminlash uchun zarur va inson salomatligi uchun muhim ahamiyatga ega. Dunyo aholisining 40 % dan ortigʻi ichimlik suvi tanqisligidan aziyat chekmoqda. Ichimlik suvining tanqisligi hamda u bilan bogʻliq muommo 20-asrdan boshlab zamonamizning global muammosi sifatida qaralib kelinmoqda. Dunyo aholisi tez oʻsib bormoqda va shu bilan bir qatorda toza ichimlik suvga boʻlgan ehtiyoj oshib bormoqda. uIchimlik suvining tanqisligi iqlimning oʻzgarishi, hamda insonlar qilayotgan faoliyati bilan ham bogʻliq. Undan tashqari chuchuk suv ekotizimlarining ifloslanishi, suv resurslarining butunlay qisqarishiga olib keldi, shuningdek urbanizatsiya oqibati va yerdan foydalanishda oʻzgartirishlar qilingani ham bir sabab boʻldi[1]. uStatistik maʼlumotlarga koʻra, dunyo aholisining deyarli 1/5 qismi toza ichimlik suvi juda tanqis boʻlgan hududlariga togʻri keladi. Bundan tashqari, aholining 1/4 qismi suvli qatlamlar va daryolardan tortib olish uchun zarur boʻlgan infratuzilmaning etishmasligi natijasida suv tanqisligini boshdan kechirayotgan rivojlanayotgan mamlakatlarda yashaydi. uEng asosiylaridan biri chuchuk suvning ifloslanishi suv zahiralarni sezilarli darajada kamayishiga olilb keladi. Ushbu ifloslanishga sanoat chiqindilari va oqava suvlari, dalalardan oʻgʻitlarning yuvilishi, shuningdek, yer osti suvlarini haydash qirgʻoqboʻyi hududlaridagi shoʻr suvlarning suvli qatlamlarga kirib borishiga sabab boʻladi.