“Markaziy Osiyo” atamasi birinchi marta taniqli nemis olimi, geograf Aleksandr fon Gumbold tomonidan 1843-yil Parijda nashr etilgan uch jildli “Markaziy Osiyo tog’ tizmalarini tadqiq qilish va iqlimlarni taqqoslash” asarida qo’llanilgan edi. Unda olim ichki sug’orish sistemalarini va tog’ tizmalarini o’rgandi va Markaziy Osiyoni alohida, o’ziga xos mintaqa sifatida ajratganligini ko’rishimiz mumkin. Tarix Markaziy Osiyo ravnaq topgan va gullab-yashnagan davr u boshqa mintaqalar bilan qizg’in aloqalar qilgan yillarga to’g’ri kelishidan dalolat beradi. O’zaro aloqalar muayyan sabablarga ko’ra susaygan davrlarda esa, aksincha mintaqa rivojlanishida orqada qolgan, bu yerda jaholat, o’zaro urushlar va buning natijasi o’laroq, qashoqlik va qoloqlik hukm surgan. Faol tovar ayirboshlash, tajriba, g’oyalar, fan va texnika almashishga intilishigina Markaziy Osiyo xalqlari jadal rivojlanishini ta’minlagan. Mashhur olim, akademik V. Bartold o’zining “Turkiston tarixi” asarida ta’kidlab o’tilganidek, mintaqa kelajagi “jahon savdosida u qanday mavqega ega bo’lishi bilan belgilanadi”, bu esa o’z navbatida, to’liq transport kommunikasiyalari tarmog’ining rivojlanishiga bog’liq.