O‘zbekiston tabiiy sharoiti va resurslarini iqtisodiy geografik baholash Tabiiy sharoit - biror obyektga bog‘liq bo‘lgan tabiatning barcha tomonlarini o‘z ichiga qamrab olgan bo‘lib, juda keng ma’noga ega tushuncha. Mantiqiy yondashuv sharoit nimalarni o‘z ichiga olishini aniq ko‘rsatishi, ya’ni "sanoatni rivojlantirishning tabiiy sharoiti," "dehqonchilikni rivojlantirishning tabiiy sharoiti," "temir yo‘l qurilishining tabiiy sharoiti," "inson turmush faoliyatining tabiiy sharoiti" va boshqalar tarzda ifodalashni talab etadi. Demak, "tabiiy sharoit" tushunchasini insonning qandaydir faoliyati bilan uzviy bog‘liq holda talqin qilish maqsadga muvofiqdir.